立法會

> 發言 > 20230713《2022年發展(城市規劃、土地及工程)(雜項修訂)條例草案》三讀發言

20230713《2022年發展(城市規劃、土地及工程)(雜項修訂)條例草案》三讀發言

主席,我發言係支持條例草案嘅三讀。本條例草案涉及修訂6條現行法例,內容複雜繁多,但喺政府嘅細心解說,同法案委員會主席葉劉淑儀議員嘅高質、高效審議下,可以趕喺立法會暑假休會前恢復二讀同進行三讀。

法案委員會提出咗多項建議,政府一共提出179項修正案,幾乎涉及草案嘅所有範疇,反映政府有充份聆聽議員同業界嘅意見,將修例建議不斷優化;體現咗新時代嘅議會制度下,行政立法相互制衡,相互配合嘅良好互動。

草案將有助精簡同加快與發展相關嘅法定程序,但不能完全解決冗長嘅行政審批同行政程序,部門嘅相互協作,呢啲都有進一步簡化同加快嘅空間。仲有係主事員嘅心態,唔係只顧做監管者,亦要做好足進者,提速提效,做出市民可以感受到嘅成果。