20241211人事編制小組委員會 (2項議程)

1. 在房屋局開設1個D2丙級政務官編外職位，2025年4月1日至2028年3月31日(為期3年)，負責領導「分間單位專責小組」運作，落實「簡樸房」規管制度

• 文件第1至14段都是講「簡樸房」規管制度，相關立法、登記、認證、上訴及執行工作等

• 第17段，現時劏房/簡樸房政策是由房屋局副秘書長(特別職務)兼任，她(Winnie Wong)本身已同時負責一手住宅物業銷售監管局、簡約公屋及過渡性房屋政策

• 第18段，專責小組有8個有時限非首長級公務員職位支援，當中包括2個高級屋宇測量師、1個屋宇測量師、1 個結構工程師及1個測量主任

• 第19段，專責小組現由房屋另一首席助理秘書長(特別職務)兼任帶領，該人同時負責簡約公屋工作，並須在2025年4月起接手過渡性房屋政策(之前的有時限職位將屆滿)，難以兼顧

建議發言及提問:

• 首先我喺唔同場合都講過，我係好支持政府提出嘅「簡樸房」規管建議，有關工作係相當繁重，而且任重道遠嘅，需要有專責人手去處理，而且我相信肯定唔止做3年，但先一個為期3年嘅開位，邊做邊檢討相關嘅工作量同人手需求、架構等，我覺得係審慎嘅做法，尤其喺政府面對財赤嘅時候

• 我睇番文件，其實嚴格嚟講，今次都唔係全新加一個位，因為負責過渡性房屋政策嘅另一個D2位將於明年4月就屆滿，我理解政府唔打算再續期，相信係因為過渡性房屋政策已大致上咗軌道；今次開番個位負責簡樸房政策，某程度只係一換一，可見局方係實事求是，唔係亂咁加人加位

• 我想問嘅，反而係房屋局同房屋署之下嘅其他職位，首長級職位係相當多，粗略數有成19個，我明白政府近幾年加緊覓地建屋，尤其係公屋，每起多一條，就要多啲人管理，但起屋主要係同發展、建設相關嘅專業職系人員，屋邨管理就需要物管人員，有冇需要有咁多個首長級職位呢? 有冇啲現有首長級人員可兼任更多工作呢? 希望政府睇睇

___________________________________________________________________________

• 保留民航處1個D3乙級政務官編外職位，2025年4月1日至2027年3月31日(為期2年)，負責在三跑啟用後提升香港國際航空樞紐地位、支持低空經濟發展，以及提升民航處整體行政管治

• 該職位早於2016年開設，負責協助推展三跑工程、無人機規管、民航處行政管治，最新的低空經濟等；現在再續2年即前後「臨時」了11年

• 簡介會時問過「低空經濟」政策的長遠人手、分工架構等，運流局指因為仍在摸索，故今次只續期2年，但短中期的修例、審批工作，肯定是繼續由運流局及民航處負責

建議發言及提問:

• 雖然三跑工程已完成啟用，但更重要喺如何用好三跑，為香港航運及旅遊業帶嚟最大效益，低空經濟嘅發展亦同樣重要，所以原則上我係支持保留有關職位

• 有啲數字想政府澄清，就係文件第24段，嗰度顯示民航處冇24個首長級或同等薪級職位，數量相當多，但我估計大部分係不同類型嘅資深機師；當中有2個係有時限職位，包括我哋依家審議希望續期嘅副處長職位，仲有1個係咩位呢?

• 此外，喺附件3個架構圖，我又見到有兩個有時限嘅行政主任職位，點解呢兩個位又冇喺第24段個表度反映呢? 睇落好似唔啱數

___________________________________________________________________________