[:zh]為睇同事病假紙 波哥夜校學中醫[:]

[:zh]

保險界議員陳健波一向注重身體，不時拍短片分享養生之道，原來波哥唔係單靠民間智慧，真係有相關知識！「建制派六人組（G6）」噚日舉行新春傳媒午宴，席間波哥透露自己讀過兩年夜校學中醫，基本病理、把脈等都識。Emily 問另一成員「體育、演藝、文化及出版界」嘅馬逢國會唔會畀波哥把吓脈，馬議員就笑言「畀佢把，不如我自己把」。

點解波哥當年會走去讀中醫？佢話做緊恒生銀行助理總經理時，開始接受中醫開嘅病假紙，所以佢就去了解一下，收到同事嘅中醫病假紙都識得睇藥方。

波哥身兼立法會財委會主席，佢噚日提到建制派內部有聲音想再修改財委會嘅《會議程序》，因為喺工務小組同人事編制小組好多通過咗、傾完嘅議題，又再喺財會重複講，希望民主派留意，改善呢個情况。

「建制派班長」廖長江話，過去一年修改立法會《議事規則》後，睇到相對較平和嘅立法會，建制派「是其是、非其非」，發揮到立法會議員監察政府職能，而喺大是大非問題上建制派都好齊心，但未來兩年係選舉年，相信立法會無咁平坦，六人組同建制派都會沉着面對挑戰。

[:]