復活兔生蛋？謝偉銓解謎團

復活兔同復活蛋都係復活節嘅象徵物。建築、測量、都市規劃及園境界議員謝偉銓（Tony）都應吓節，日前拍片教大家用毛巾摺兔仔做復活節裝飾。期間佢仲提到一個問題，話兔仔明明係唔會生蛋，咁點解長久以來，兔仔同蛋會擺埋一齊代表復活節呢？佢話原來有段古㗎！

拍片教毛巾摺兔仔
Tony話民間傳說，話有一隻雀仔獲女神救助之後，就變咗做隻兔仔，然而生蛋能力就得到保留，於是呢隻可以生蛋嘅兔仔就叫做復活兔，而佢所生嘅蛋就叫做復活蛋嘞！

正所謂「聽古唔好駁古」，到底Tony所引述嘅「民間傳說」據自何典？無謂深究啦！總之，佢教大家用毛巾摺兔仔，係藉此祝願港人迎來豐盛同春天嘅意願。佢話香港目前雖面對疫情，但只要大家同舟共濟、互相扶持，香港嘅經濟就可以冬去春來。